ჯოჯოხეთი

პოსტი, რომელიც წავიკითხე და არ შემეძლო, არ მეთარგმნა.
ნახეთ რუსული ვარიანტი აქ

ეს რეალური შეკითხვაა, რომელიც ერთერთი უნივერსიტეტის ფიზიკის ფაკულტეტის სტუდენტებს შეხდათ ტესტში.

ერთი სტუდენტის პასუხი იმდენად „ღრმა“ იყო, რომ პროფესორმა მისი ქსელში გაზიარება გადაწყვიტა.

კითხვა: როგორ აღწერდით ჯოჯოხეთს – როგორც ეგზოთერმულ (გასცემს სითბოს), თუ როგორც ენდოთერმულ (ისრუტავს სითბოს) სისტემას?

სტუდენტების უმეტესობა ცდილობდა ჯოჯოხეთი ბოილის კანონის მიხედვით აღეწერა, ანუ რომ გაფართოვებით წნევის ვარდნასთან ერთად ტემპერატურაც ვარდება. ერთერთმა სტუდენტმა დაწერა:

თავიდან უნდა გავარკვიოთ, როგორ იცვლება ჯოჯოხეთის მასა დროის სვლასთან ერთდ. ამისთვის უნდა ვიცოდეთ, რამდენი სული ხვდება იქ და რამდენი ტოვებს მას. მე ვთვლი, რომ თუ სული ჯოჯოხეთში მოხვდება, იქიდან ვეღარ გამოვა. კითხვაზე კი, რამდენი სული ხვდება ჯოჯოხეთში, შეიძლება გვიპასუხოს დედამიწაზე არსებულმა რამდენიმე რელიგიამ; მათი უმრავლესობა ამტკიცებს, რომ  ის ადამიანები, რომლებიც მათს მრწამსს არ აღიარებენ, აუცილებლად  ჯოჯოხეთში მოხვდებიან. და, რადგან, ადამიანი არ შეიძლება ერთ რელიგიაზე მეტს აღიარებდეს, გამოდის, ყველა სული ჯოჯოხეთში ხვდება. ამ ყველაფრის გათვალისწინებით კი, გამოდის, რომ დედამიწაზე დაბადებულთა და გარდაცვლილთა რიცხვი ჯოჯოხეთში სულების რაოდენობის უსასრულო ზრდისკენ მიუთითებს.

ახლა გადავხედოთ მოცულობის ზრდის საკითხს. ჯოჯოხეთში რომ ერთი და იგივე ტემპერატურა და წნევა შევინარჩუნოთ, ბოილის კანონის თანახმად, მისი მოცულობა სულების რაოდენობის ზრდის პირდაპირპროპორციულად უნდა იზრდებოდეს. სხვა შემთხვევაში ორი ვარიანტი გვაქვს:

1. თუ ჯოჯოხეთი ფართოვდება უფრო ნელა, ვიდრე იქ სულების რაოდენობა იზდება, ტემპერატურა და წნევა იქამდე გაიზრდება, სანამ ეს ადგილი, უბრალოდ, არ აფეთქდება.
2. თუკი მოცულობა უფრო სწრაფად იზრდება, მაშინ ტემპერატურა და წნევა ჯოჯოხეთის საბოლოო გაყინვამდე დაიწევს.

რომელია ამ 2 ვარიანტიდან სწორი?

თუ გავითვალისწინებთ იმას, რომ პირველკურსელმა ანჟელამ განმიცხადა, „უმალ ჯოჯოხეთი გაიყინება, ვიდრე შენთან სექსი მექნებაო“, დღეს კი ჩვენ ერთად გავიღვიძეთ, შეგვიძლია მარტივად დავასკვნათ, რომ ჯოჯოხეთი უკვე გაიყინა. აქედან გამომდინარეობს, რომ იგი უკვე ვეღარ მიიღებს სულებს. ე.ი. დარჩა მხოლოდ სამოთხე, რაც, თავის მხრივ, ღმერთის არსებობას ადასტურებს. ეს კი იმ ფაქტსაც ხსნის, თუ რატომ ყვიროდა ანჟელა მთელი ღამის განმავლობაში „ო, ღმერთოო!“.

პ.ს. ეს სტუდენტი იყო კურსზე ერთადერთი, ვინც ფრიადი მიიღო.